प्रिय जॉन

पत्रास कारण, की तुझी तब्येत!
म्हणजे तुझ्या तब्येतीला बघून बऱ्याच दिवसांपासून तुला पत्र लिहायचा विचार करीत होतो.
अरे तू कसा आहेस, वगैरे विचारायचं राहीलंच की! असो, तुला वाटेल की तब्येतीचा बहाणा करून मी बिप्सबद्दल काही माहिती विचारण्याचा प्रयत्न करतोय. नाही अजिबात नाही; पण बिप्सला प्राईज मिळाल्यामुळे तू खूष असशील नाही का? का जेलस झालाय? जाऊ दे रे!
तर, मला तुझ्या तब्येतीचा म्हणजे तुझ्या बॉडी बिल्डिंगचा आदर्श घ्यायचाय. काय म्हणतो पोरी-
छोरींसाठी! छे छे! पोरींसाठी नाही. मला स्वतःलाच जरा बॉडी कमवावी वाटतेय; पण, ऊफ! कमबख्त ही झोप मला काही करूच देत नाही रे! अरे म्हणजे कसं आहे, बघ! रात्री मित्रांबरोबर थोड्यावेळ म्हणजे बारा-एकपर्यंत गप्पा होतात. आणि मग मी घरी येऊन झोपतो. लवकर झोपच लागत नाहीरे! म्हणजे झोप लागते की नाही, तेच कळत नाही यार! म्हणजे मध्ये मध्ये अशी छान छान स्वप्नं पडतात. मधून मधून ऑफिसमधलं काही काही आठवतं. मध्येच ऑफिसमधलं एखादं काम राहिल्याचं आठवतं आणि झोपच ऊडते रे!
यू नो सध्या थंडीपण काय मस्त पडते यार! मग सकाळी म्हणजे नऊ दहाला, कधी कधी जरा लवकर म्हणजे साडेआठला उठतो.वॉक, जीम, जॉगिंग सगळं करायचंय यार! असं म्हणतात, की थंडीत व्यायाम वगैरे केला, की चांगला असतो म्हणे!
यार, काही तरी सांगना! कसं जमवायचं? काही तरी टीप्स दे यार!

तुझाच